「純分享」
安格斯牛腩角 兩食
一包有兩舊
一) 清湯牛腩
主要材料：牛腩角1舊、白蘿蔔1條、滷水包1包、 蔥段、薑片、蒜頭、鹽
牛腩角需要印光血水，逆紋切開三份，放入凍水，加入鹵水包、蔥段、薑片、蒜頭、大火水滾後，收細火炆2小時。
兩小時後夾出牛腩攤涼切片，將牛腩湯材料及油泡撈走，加鹽調味再加入白蘿蔔，再煮20分鐘
食得！
**************************
二) 韓式炆牛腩
主要材料：牛腩角1舊、紅蘿蔔1條、洋蔥1個、蔥段、韓式牛肉醃汁1支
牛腩角需要印光血水，逆紋切開三份，用醃汁、蔥、洋蔥醃製1小時。
之後將牛腩及醃料放入鍋中加入適當清水，大火水滾收細火炆2小時。
兩小時後夾出牛腩攤涼切片，將牛腩湯材料及油泡撈走，再加入紅蘿蔔，再煮20分鐘。
又食得！
*****************
基本上牛腩角好乾淨冇乜血水，所以我冇做飛水，另外切開三份方便入味同埋炆得快D，同埋呢隻牛腩角好肥，正！
無水組：加拿大豬梅肉
蜜汁豬肉乾
材料：
豬肉450g
糖80g
生抽 半湯匙
酒 半湯匙
魚露 半湯匙
蠔油 一湯匙
老抽 半湯匙
五香粉 1/8茶匙
胡椒粉 少許
入爐蜜糖 兩湯匙
1 /將豬肉攪碎，加入所有醃料攪拌至起膠，放雪櫃一晚。
2 /將肉碎放上焗爐紙，面再放上保鮮紙，用棍弄平至約
️mm厚。
️mm厚。3 / 放入預熱160度焗爐約20分鐘。
4/ 取出，將焗爐調高至200度，剪開肉乾至喜歡大小。
5/ 放回焗爐約7分鐘。
6/ 取出反面，用上火再焗
️分鐘，剪去燶邊即成。
️分鐘，剪去燶邊即成。*參考網上食譜，再改至自己口味，以上食譜已做過無數次，焗爐温度各異，大家自行調節，謝謝
有水組
澳洲和牛牛尾紅酒煲
1/牛尾去油切件
2/飛水
3/ 蘿蔔洋蔥西芹蕃茄切件
4/牛尾輕煎香
5/煎牛尾
剩下的油用嚟炒香配菜
6/加入 番茄醬 紅酒半支
千里香thyme
迷迭香 Rosemary
香葉Bayleave
牛味濃湯寶一齊煮滾
7/ 放入焗爐140度3個鐘
8/全煲再大滾20分鐘
9/原煲存放1晚
第二日食 味道更佳
無水組
USDA Angus picanha
在面層脂肪上用刀紋，黑椒和鹽輕醃牛肉。
用大火先煎脂肪一面，讓油香更出，後煎另一面及四邊。放入已預熱的焗爐，用100度焗1小時10分鐘。之後放出室溫rest 30分鐘。食前之後再用245度高溫焗15分鐘，令脂肪層更脆。
最後rest 20分鐘後上枱
從來未買過咁大舊肉！成9kg+，拎起影相都有D吃力，送貨嚟嗰時個特大冰袋條帶都斷咗
買咗咁大舊牛腩，梗係試煮新嘢派街坊啦～ 開飯喇各位！
肉類：和牛M4-M5牛腩
有水煮食組：咖喱牛腩
八人份量咖喱牛腩
材料：
牛腩大概3公斤
蒜蓉、乾蔥蓉、薑蓉、南薑蓉適量（南薑我落大概3湯匙，太多有機會會苦）
洋蔥碎 3個
番茄粒4個咖哩粉6湯匙（可自行再加孜然粉、黃薑粉、花椒粉、辣椒粉、芫荽籽、丁香、香葉調校適合自己嘅味道）
雞湯或清水5杯
鹽適量
椰糖或白糖適量
冰糖兩小粒協助炆淋牛腩步驟：
牛腩切大舊，先用水浸15分鐘去除雪或雪味。
冷水注入煲內落牛腩，中火滾起10分鐘，沖水洗乾淨鯨乾。用牛脂肪炸油（或用普通食油）中火爆香洋蔥至透明，然後下蒜蓉、乾蔥蓉、薑蓉、南薑蓉炒香，再落番茄粒炒，炒至乾身。
加入牛腩炒。下咖喱粉及香料兜勻，下雞湯及冰糖，中小火蓋蓋炆30分鐘，關火焗30分鐘。
開蓋查看撈一撈（可於這時下薯仔或蕃薯）再蓋蓋炆30分鐘，關火焗1小時。
最後落鹽及椰糖調味即成。
可配白飯或naan bread食用
PS：雖然咖喱牛腩賣相麻麻地、一pat pat，但係味道唔錯㗎～ 
naan bread都係第一次做，見笑
naan bread都係第一次做，見笑
肉名：美國和牛-5星‘嫩肩肉‘
無水組
牛油果美國和牛生日牛牛糕糕 
適合少食甜點嘅你又可慶祝生日
好睇好食唔失禮
牛牛變化無限可能性
牛牛變化無限可能性食譜：
1-用牛脂肪搽開鑊併燒熱
2-把嫩肩肉抹乾水份，簡單用鹽及黑椒調味，煎成喜愛的熟度便可。
3-將牛油果直切開一片片，圓形推花
4-再加上沙律菜後，把牛肉切開鋪上面
用食用花及剪蛋作點綴。
肉名：M6-M7臀腰肉蓋
食譜：無水組 – 燒烤焗
1. 抹乾血水，用刀𠝹開棱格紋，salt bae法灑上鹽同黑椒
2. 大火快煎封四面
3. 放上rosemary係面，入焗爐，100C焗60分鐘
4. 夠鐘取出，用錫紙冚住保温半小時
5. 再入焗爐，推高上火到最高火，睇到個面霹靂啪喇噴油，約十分鐘
6. 取出，休息，切開，食得
肉類：黑安格斯-外裙柳
有水煮食組：清湯崩沙腩
1 牛腩先出水，跟著清水洗乾淨
2 花椒 、八角 、白胡椒、月桂葉、薑 、玉桂 加入一煲水煮牛腩 大約90分鐘
3 熄火 焗至涼 （牛腩可放雪櫃過夜更入味）
4 食之前 牛腩切件放雞湯蘿蔔唐芹煮30分鐘
夜宵崩沙腩配餐肉丁也不錯 
肉類： M4-M5 牛肩肉眼
組別：（有水組）關東風
壽喜燒
壽喜燒==========================
材料：
肥仔達靚牛牛一份，如果用牛小排應該更好
金菇
鮮冬菇
娃娃菜
京蔥
豆腐
甘筍
洋蔥
雞蛋（可生食用）
調味料（壽喜燒汁）
日式豉油 100g
味琳 100g
料酒/清酒 50 g
沙糖 50g
水 30g
備料：
1/ 首先預備洗好娃娃菜、金菇備用
2/京蔥洗好切段、洋蔥切絲
3/鮮冬菇洗好，可用刀小心𠝹出花紋
4/甘筍去皮切0.5cm厚，用曲奇花花模印出圖案，用刀𠝹出花紋
5/豆腐切件備用
6/將調味料拌勻備用（壽喜燒汁）
做法：
1/ 鍋裡加牛油/煮食油起鑊，加份京蔥稍為煎一煎，加份牛牛煎一煎
2/牛牛有5成熟時，加兩湯匙壽喜燒汁煮一煮
可先享用一下牛牛，稍後材製作壽喜燒火鍋
3/ 炒香洋蔥及京蔥，放埋一邊，加入娃娃菜、金菇、甘筍、豆腐及牛牛入鍋，倒晒所有既壽喜燒汁，中小火慢慢煮滾
（一開始汁好似好少，但蔬菜會出水，等一陣就變成好多汁）
完成可以慢慢享用
可以慢慢享用
肉名：美國prime-牛板腱
食譜：無水組-特盛香蔥牛板筋燒肉丼飯
作為在職煮婦，放工有咩好得過輕輕鬆鬆30分開得飯呀？
二人家庭買咁大舊肉係無可能一次過食得晒嘅，收貨後即刻切開幾份包好放係冰箱，早一晚拎上上架解凍，收工返嚟煎一煎就可以食喇～
做法：
1）洗米撳著個電飯煲煮飯
2）牛板腱切1.5吋厚
3）用厨紙印乾水
4）少少岩鹽、少少黑椒搽勻兩邊，放置2-3分鐘
5）冷鑊冷油開大火燒至冒煙
6）牛板腱落鑊每邊煎90秒 （全程keep住大火）
7）起鑊用錫鍚紙包好rest 5分鐘
8）聽到嗶嗶聲，飯好刮鬆盛入碗中備用
———————5 mins later————————
9）斜刀將牛板腱切薄片鋪上飯面
10）散上蔥花、芝麻及淋上少許尚餘在鍚紙內之肉汁即成
各位慢用喇
澳洲和牛M4-M5肉眼蓋(JC)
黑松露醬炒和牛飯 + 煎焗和牛
組別: 無水組
材料：牛肉、牛油清1湯匙
調味：海鹽少許、黑松露醬1湯匙、蠔油1茶匙
做法：
1.牛肉切片，在烹調前10分鐘才以少許海鹽略醃。
2.熱鑊下牛油清，把牛肉片各面
煎香，撥向鑊邊。
3.將飯、黑松露醬及蠔油炒香，所有材料快手炒勻，即可上碟。
材料： 肥仔達-上州和牛A4
調味： 鹽(可因應個人口味調較份量)
配菜：新鮮蕃茄薯角西蘭花
做法： 由於和牛比較新鮮，煎前5-10分鐘，灑上少少海鹽，開大火燒熱平底鍋，之後就可以放上牛扒，煎大約30-45秒左右就可以把它反轉（視乎牛扒厚度），再利用牛扒所滲出的油脂，把牛扒的邊位燒熟，再反轉另一面煎，熄火之後不要立刻吃，要讓牛扒靜止一會兒，讓裹面的肉汁鎖好！配上新鮮蕃茄薯角
西蘭花
西蘭花去唔到日本食就要麻煩肥仔達啦，喺屋企都可以扮去左日本旅行食好西！
肉名： BC半切西冷
無水組：慢煮西冷
1. 我起咗底嘅筋膜，保留面嘅肥膏
2. 切成大約1.5寸
3. 室溫後用鹽、黑胡椒及蒜粉調味
4. 連同迷迭香及無鹽牛油放真空袋抽真空
5. 53度C慢煮2小時後拎返出嚟 （件肉偏瘦同淺色，平時同樣溫度會偏紅啲）
6. 熱鑊滾油大火煎4邊，煎完抖幾分鐘先切
PS
蕃茄仔係用返煎牛嘅油，加蒜蓉、鹽同埋黑胡椒炒至心軟
無水組~煎焗氣炸齊哂
原用：加拿大原條豬鞍扒
呢碟野叫：豬鞍沙律配薯菜
出面order一個好Q貴
分分鐘件扒仲好Q乾
分分鐘件扒仲好Q乾呢款原條豬鞍就好唔同~ 點樣煮完出嚟切~都仲好juicy流曬汁
我最鍾意厚切~口感超好~加返d清新嘅沙律~再配上薯菜~冇得輸！
配料有
豬鞍~沙律菜~蕃茄~牛油果~ 薯仔
豬鞍~沙律菜~蕃茄~牛油果~ 薯仔做法：
豬鞍 : 用岩鹽同黑椒刷一刷~ 放十五分鐘，落油鑊煎~先煎頂部肥膏， 等佢再迫啲油出嚟…會好香口又唔肥~之後煎兩面，再蓋上鍋蓋…半煎焗
沙律菜： 都係洗洗切切咁啦~再加埋牛油果青蘋果切粒，最尾再加埋做作嘅蕃茄仔—> 再加上你鍾意嘅任何沙律醬mix…完成
薯條 : 新鮮薯仔去皮切條，就咁掉落氣炸鍋160度 25分鐘， 中途可加鹽，黑椒，七味粉
最後三樣嘢組合放靚仔…咁就完成呢碟…可以買賣成兩舊水嘅豬鞍沙律
行過路過畀個like支持吓
肉名: 內群柳
食譜: 有水組- 藥膳崩沙腩河粉
1) 先張牛肉切開2份，出水備用
2) 蒜頭2粒，薑片4片，當歸4片，肉桂半條，草果2粒，八角4粒，胡椒粒1茶錢，川芎4片，熟地2片，冰糖4粒，一茶匙粗鹽，用白獲細火炒至有香味，加埋已出水嘅牛肉，再加半杯紹興酒，再加入清水蓋過所有食材
3) 中細火炆45分鐘，加蓋焗1小時
4) 取出牛肉，加入一條切大塊的白蘿蔔(精粹)
5) 試味，加入適當的鹽
6) 焯好河粉擺碗，切片崩沙腩，加入湯完成
白蘿蔔係精粹，吸晒所有牛嘅汁同藥膳嘅味道，牛腩煮好先切唔會流失肉汁，條牛腩邊煙韌，裏面肉味好濃，諗起都想再食
#肥仔達 #影相搏一搏牛牛免費索 #肥仔達

* 無水組
* 加拿大，原條豬鞍扒
做法：
1. 將切好一件件豬鞍洒上海鹽
2. 先將油脂一面放上煎pan煎至金黃
3. 然後每邊煎分半鐘
4. 收至中細火及蓋上蓋再煎6分鐘
5. 洒上黑胡椒再每邊煎1分鐘
6. Rest 3分鐘後上碟及加上伴碟
有水組- 澳洲和牛清湯蝴蝶腩
材料
-肥仔達澳洲和牛M4-5 內裙柳 inside skirt 一條（一包有兩條）
-日本蘿白一條
-葱薑蒜洋葱
-冰糖約40g
-濃縮牛肉汁（因為冇買牛骨）
）-滷水料
–香葉5片
–丁香10粒
–草果1粒
–八角3粒
–花椒一茶匙
–白胡椒一茶匙
–陳皮兩個手指公指甲咁大塊
做法
1. 將牛腩表面d 油搣走（要黎返d 筋膜），然後一開三
2. 凍水，一定要凍水，放肉出水，水要浸過肉，出水時加葱，幾片薑同一蓋花雕酒,用中慢火去出水，比佢少少滾就得。滾後大約5分鐘就拎返出黎沖水備用
3. 滷水料用水浸一浸去污然後放入煲湯袋，另外準備葱2 3裸，薑幾片，蒜頭一個，洋蔥一個切半，全部放入煲湯袋（咁最尾唔駛隔），之後放入大煲，加大約4升水，加兩湯匙濃縮牛肉湯，同冰糖，大火煲5分鐘
），之後放入大煲，加大約4升水，加兩湯匙濃縮牛肉湯，同冰糖，大火煲5分鐘4. 轉細火落牛，之後要keep 住好細火，開蓋炆2小時（一定要開蓋同唔好比煲野滾），期間可以畢走啲油同d 泡
5. 蘿白刨皮（要刨兩層），滾刀切大舊，用另一個煲，凍水落蘿白，加一兩羹米用中火去煲（米可以去蘿白苦澀味），大約20分鐘拎出黎沖水備用
6. 將蘿白放入牛煲一齊炆一個鐘，期間繼續小火唔好滾
食法
將牛肉拎出黎，茶少少魚露+䜴油，風乾一回等一陣好切d
湯拎夠用嘅落細煲，加魚露，鹽調味
可以配合河粉，甚至蒟蒻麵都ok
(打完咁大篇野希望各位多多支持
)
)
切換內容
影相博一博
無水組 滷水牛展
* 蒜頭 2粒
* 冰糖少許
* 水 3 杯
* 花椒八角少許
* 紹興酒 3湯匙
* 生抽4湯匙
* 老抽 2湯匙
* 雞蛋 （備用 ）
* 豆腐 （備用 ）
1. 牛展解凍洗淨；再把牛展外表的筋膜用利刀割去，令炆起來的牛展更軟稔。
2. 準備用一鍋滾水，開大火，將牛展氽水。
3. 將所有滷水汁材料倒入至覆蓋牛展，煮滾後轉中慢火加蓋煮約 3 小時，熄火焗一晚。
4. 用筷子測試是否夠淋，如不夠便要再加時間。（熟爛程度按個人口感來決定。）再加入雞蛋，豆腐。
5. 拿出煮好的牛展放涼，或冷藏後。就可較易切薄片。冷吃或熱吃均可。食時，淋上煮熱的滷水汁，加少許麻油。即成。
無水組
美國和牛-見島特選牛脷
菜式：鹽燒和牛牛舌 （厚切）
食譜：
1. 先將原條牛舌用抹手紙吸乾血水
2. 戴上手套使用較鋒利刀切去牛舌苔皮
3. 選取近脷根牛舌芯位置，厚切約1.5 cm，每片兩邊𠝹花
4. 燒熱鑊落油，中大火煎牛舌，灑上少許鹽和黑椒，每邊煎至金黃色（每邊約20秒）或按個人喜好。𠝹花位置方便觀察生熟程度
5. 取出放置一會，然後切件上碟，配少許檸檬汁，OMG 外脆內嫩
有水組- 美國和牛-5星牛肋條
材料
-美國和牛-5星牛肋條1包
-日本蘿白1條
-薑
-冰糖1小粒
–香葉4片
–柱侯醬4湯匙(喜歡濃味加多d)
做法
1. 將牛肋條先跑活水，洗淨，然後切小段備用
2. 蘿白刨皮，滾刀切大件
3. 爆香薑，加蘿白放入牛肋條一齊略煎
4. 加入柱侯醬，水，香葉及冰糖一齊炆20分鐘，滾起轉小火炆
5. 熄火後不要開蓋
6.食前再翻熱炆煮，話咁快食得
呢款好淋滑，十分容易處理
好淋滑，十分容易處理
肉類：美國安格斯牛小排
組別：無水組（香煎牛小排）
材料：美國安格斯牛小排，粉紅岩鹽，雞蛋一隻
1）首先將安格斯牛小排用廚房紙吸乾水份，然後用鋒利牛肉刀簿切牛小排。
2）將已切好的安格斯牛小排放入煎鍋內大
每邊煎1分鐘，等肉汁鎖住，再加上少許粉紅岩鹽，完成。
每邊煎1分鐘，等肉汁鎖住，再加上少許粉紅岩鹽，完成。
用肥仔達靚牛肉，簡簡單單一個牛小排太陽蛋飯，已經好美味了
切換內容
加拿大Savoury Choice-豬肉眼蓋
無水組 ： 泰式豬肉眼蓋
泰式豬頸肉做法
1. 洗乾淨印乾水，介十字等佢易熟
2. 預備香茅、南疆、檸檬葉少許，切碎備用。
3.預備醃料：加入椰糖、鹽、魚露、米酒、蒜蓉、生抽撈勻，最後將所有醃肉香料及調味撈勻醃肉，醃大概3-4小時。
4.放入氣炸鍋，180度10分鐘，再反轉7分鐘，然後200度3分鐘。(要視乎爐溫再作調整時間）。
5. 豬肉眼蓋取出後，放涼一會，用刀斜切（薄切最佳）上碟。
6. 最後整埋個泰式蘸汁，伴以豬肉眼蓋同吃。
泰式蘸汁材料：(青檸汁、蒜蓉、指天椒、乾蔥、芫荽、椰糖、檸檬葉、水、魚露)拌勻即可。
切換內容
肉類：
$289(1.925KG)加拿大-豬肉眼蓋
食譜：菠蘿 咕嚕肉
材料：豬肉（豬肉眼蓋）［一包有8塊，圖中用了2塊（約40粒咕嚕肉）］，紅洋蔥一個，細罐菠蘿（菠蘿汁留起），一隻蛋（蛋汁）
醃料：油，鹽，糖，豉油，蛋白，生粉
芡汁：菠蘿汁，加上 茄汁（半碗），小小白醋，沙糖，小小鹽 （自行試味）
炸粉：一碗低粉，1/3碗鷹粟粉
做法：
1）將豬肉切開一舊舊（約半粒麻雀咁大），用醃料醃半小時；
2）將豬肉粒浸上蛋汁，再遂粒撈上乾粉，備用；
3）燒熱滾油，快手遂粒放入豬肉，炸至浮起，金黃色，取出；
4）再燒熱油，番炸多一次，令豬肉粒更香脆；
5）燒熱鑊，爆香洋蔥，加上芡汁，煮熱，加入炸香的咕嚕肉，及菠蘿，快手炒至收汁，即成！！
註：豬肉眼蓋，肉質好似豬頸肉咁，爽口但無甘肥，大家一定吾可以錯過….已經第2次購買了！
肉名：牛頸脊
食譜：無水組 – A. 金菇牛肉卷配自家浸發花生苗
B. 三色椒牛頸脊柳炒意粉
步驟：
首先把牛頭脊片成不同厚薄，分開包裝，隨時想點食就點煮
今天食2款A. 金菇牛肉卷
1. 預備一份薄切牛頸脊
2. 金菇一包洗乾淨，瀝乾水分。
3. 金菇分小撮，以一片牛頸脊卷好，排整齊，掃上韓式燒汁醃15分鐘
4. 先預熱氣炸鍋180度，放入牛肉卷，排整齊，燒8分鐘，中途反轉一下。
5. 取出，配上白灼自家浸發的花生苗。淋上氣炸鍋內的肉汁，更美味
B. 三色椒牛頸脊炒意粉
1. 一份厚切牛頸脊切成柳條，以生抽，老抽，糖，生粉，麻油醃半小時
2. 三色椒，洋蔥一個，切條
3. 預備煮汁：生抽，老抽，蠔油，糖，生粉，黑胡椒碎，適量水，拌勻備用
4. 燒開一大鍋水，加鹽，煮意粉（300克足夠4人份量），留意包裝指示烹調時間，要減少2分鐘，瀝乾，備用
5. 先以小火煎香切出來的牛油粒，取出，再放入已醃好的牛頸脊柳條，大火炒到8成熟，取出備用
6. 原鍋加小許油先炒香洋蔥，加入三色椒，意粉，牛頸脊柳，最後加入煮汁，以中火炒勻。
一舊肉，幾種煮法，希望你喜歡
肉名 : 美國Prime牛小排 
食譜：有水組
日式牛肉飯
配日本溏心蛋
太耐無去過旅行
, 好掛住係日本食平靚正牛肉飯, 唯有自家煮。
, 好掛住係日本食平靚正牛肉飯, 唯有自家煮。溏心蛋做法 : (建議煮牛肉飯前一晚預備溏心蛋, 入味需時)1. 煲滾水
2. 水滾, 較細火, 用勺子將蛋輕放入煲內, 輕輕地攪動蛋幾次, 令蛋黃可以置中, 不用蓋上煲蓋, 蛋煮6分30秒。夠鐘即熄火拎出浸水, 待冷卻後, 去蛋殼。
3. 浸溏心蛋醬汁
– 日本醬油 1 : 味醂 1 : 鰹魚汁 1 : 水 3
– 用以上比例調成醬汁煲滾, 放涼後, 將去殼雞蛋 浸一晚入味。
日式牛肉飯做法:1. 洗米, 記得煲落飯 (可以煮多啲, 個汁太好餸飯)
2. 肥仔達美國prime牛小排切片
3. 北海道洋蔥1個 切條狀
4. 準備醬汁, 攪勻待用
– 日本醬油 1湯匙
– 味醂 1湯匙
– 鰹魚汁 1湯匙
– 糖 1湯匙
– 水 1.5湯匙
5. 熱鑊, 落牛油, 中火爆香洋蔥, 炒到金黃色, 落醬汁, 慢火煮8分鐘至洋蔥軟腍入味
6. 逐片加入牛小排煮至9成熟熄火 (如湯汁太少, 可逐少加入水再調味)
7. 以大碟盛飯, 放上牛肉及牛肉汁, 再配上先前預備好的溏心蛋, 完成!
試食後, 一定好食過乜乜家牛肉飯! 大家可以試下!
肉名： 封門柳
食譜： 無水組
美國RedTopFarms和牛-5星”封門柳”
封門柳肉味濃郁，簡單煎香都好好食已回購多次肥仔達牛牛，質素有保證
封門柳兩食
-西式 香煎牛扒餐
-中式 黑椒薯仔牛柳粒
香煎封門柳1. 切件後加鹽和胡椒醃味
2. 燒熱鑊後，加橄欖油，先以大火煎一邊約30秒，再反轉煎到啡黃表面
3. 加蒜頭，牛油，香草調味，煎好上碟
4. 用相同煎鍋炒熟甘筍，法邊豆等伴菜即成
薯仔牛柳粒醃料：薑汁、砂糖、油、蠔油、生抽、老抽、黑椒碎、胡椒粉、雞蛋、生粉
調味料：黑胡椒，生抽、砂糖、蠔油、老抽
做法：
1. 封門柳切粒吸乾水，撈勻醃料後放雪櫃備用
2. 薯仔切粒後炸至金黃色撈起
3. 中火炸封門柳粒至5成熟後撈起
4. 爆香洋蔥、乾蔥、黑椒，加調味料和水，滾起放生粉水再將牛柳和薯仔粒回鑊炒匀，即成
澳洲安格斯半切西冷扒
食譜: 無水組-香草煎西冷
1) 切西冷扒，每件1.5寸厚，用廚房紙巾吸乾血水
2) 焗爐預熱攝氏200度
3) 洗乾淨月桂葉同迷迭香，牛扒用岩鹽黑胡椒醃一下
4) 平底鑊落少少油，大火先煎肥嗰邊，再煎其他幾邊，保持中大火至牛扒表面金黃，煎至中段才落香草，再繼續煎，每邊需時少於一分鐘
5) 牛扒及香草放入已預熱焗爐焗十分鐘，再rest 十分鐘，完成
Tips: 新鮮香草用唔晒放入冰格可保存至一個月; 一舊2kg西冷可以切6,7舊扒
美國prime”封門柳
食譜：封門柳蕃茄3色椒炒螺絲粉
1）牛肉250g左右，蕃茄1個，洋蔥，
3色椒各半個
螺絲粉一碗
螺絲粉一碗2）牛肉切絲，蕃茄介10字滾水10秒去皮
螺絲粉跟包裝時間減一分鐘隔水備用
3）熱獲落油爆香洋蔥牛肉3色椒炒半熟
裝起備用
4）加蕃茄加少許糖鹽豉油，再放螺絲粉
最後牛肉洋蔥3色椒炒勻，上碟
加拿大排骨粒
涼瓜咸菜排骨湯
做法：
① 先將排骨洗凈飛水
② 黃豆浸2 小時
③ 咸菜 涼瓜 切件
④ 水滾落排骨 黃豆 咸菜 煲半小時
⑤ 之後落涼瓜煲一個鐘
⑥ 調味 食得
【干邑砵酒牛肋條】
牛肋條一般用紅酒烹調，而我今次改用香甜砵酒同醇厚嘅白蘭地
效果更豐富更有層次感，而且履郁芳香
好簡單️個步驟已經完成非常方便，大家一齊試吓la材料：
牛肋條約600g
煙肉3-4片切碎
中筋麵粉2湯匙
洋蔥1個切件
西芹1-2條切丁
甘荀1條切件
蒜頭3瓣
茄膏2湯匙
蕃茄2個切碎
牛油30g
雞湯/牛湯500ml
水200ml
酒：
砵酒150ml
干邑30ml
香草調味料：
牛至1茶匙
百里香1茶匙
桂葉1-2片
甜椒粉1.5茶匙
海鹽2茶匙
啡糖2茶匙
做法：
1）少許中筋麵粉拍上牛肋條上，用欖油大火煎牛面頰至金黃焦香（無需熟透）剩起備用
2）原鑊大火炒香洋葱、蒜頭、煙肉，再將牛肋條回鑊並加入砵酒和干邑炒1分鐘
3）繼續加入西芹、甘荀和香草調味料部份略炒，然後轉用高速煲並落雞/牛湯和攪拌均勻 ，高速煮8-10分鐘，最後開蓋大火收汁並落牛油完成。（如無高速煲，請加多水份和湯共500-700ml，炆煮1小時以上）
小貼士：
1）中筋麵粉和牛油，均能令醬汁變得更厚更濃稠
2）煙肉能豐富整個菜式並提升層次感
3）如無砵酒和干邑，用紅酒亦可
加拿大豬肉眼蓋
無水組：air fryer豬肉眼蓋整义燒 – 快 靚 正
材料：
兩塊豬肉眼蓋
醃料：1-2小時醃製
义燒醬 3大湯匙
柱侯醬 半湯匙
麻油 少許
蒜蓉 1湯匙
蔥頭 1湯匙
胡椒粉 少許
米酒 少許
製法：
焗前最少1小時放室溫
預熱200度Airfryer
先焗6分鐘
然後反轉第二面 再焗8分鐘
再搽蜜糖焗3分鐘
再重複 搽蜜糖焗3分鐘
（蜜糖只需搽一面 不用反轉）
完成 待涼
切片 即食
肉名：PRIME牛小排
食謙：無水組-日式牛牛丼及牛滿載
靚的牛真係唔需要複雜，只需要屋企菜刀改一改舊牛，
真係唔需要複雜，只需要屋企菜刀改一改舊牛，下鑊, 加少少鹽及黑椒，D 香味已經係咁出，
每邊煎分半鐘左右
，就會做到我至愛三成熟牛
，就會做到我至愛三成熟牛尾聲加舊仔牛油, 嘩, 已經好不得了。
。抖佢2分鐘左右，就可以砌成自己想食的野。
個晚滿足我地的肉望，
所以將佢配個旦日本生雞旦，變成好日式的日牛丼
，變成好日式的日牛丼更加要個牛滿載，滿滿的牛配牛果及無花果，真係超級大滿足
無水組
簡易冰鮮澳洲穀飼斧頭扒
不用肉針溫度計不用抽真空慢煮棒
方便無難度
斧頭扒950g加入鹽、黑椒、欖油各1湯匙，適量百里香及迷迭香，放入保鮮袋醃1小時坑紋鑊燒熱後加少許油每面煎1.5分鐘，來回4次共6分鐘，剛好在斧頭扒上煎成格仔紋放入已預熱220C焗爐每面焗6分鐘，合共12分鐘岀爐後斧頭扒上面放50g牛油，包裹錫紙攤抖5分鐘，伴菜擺盤後放上牛扒便完成。
斧頭扒收貨後分件抽真空存放冰箱，用簡易方便烹調方法，隨時請客都無失禮
肉名：霜降牛尾
食譜：有水組 – 紅酒炆牛尾
1）牛尾切件，沾粉煎至表面金黃，夾起。
2）原鑊炒香洋蔥、紅蘿蔔和蕃茄。
3）再落茄膏兜勻，然後加紅酒大約1-2碗，
雞湯加至蓋過食材，再落幾塊月桂葉。
4）放牛尾，大火滾起後轉中小火炆至淋身。
5）中途可熄火焗一段時間，再開火炆，
慳火之餘亦可令肉更淋身。
6）夜晚炆好，隔晚翻煮，更加好味道！
是次分享附上：
精修筋膜後嘅牛肉 flat iron steak點煎先好食 廢肉利用炒菜點炒先香第一次買牛板腱，真係好難改呀～
一隻牛最嫩嘅部位係牛柳（tenderloin）
而牛板腱（top blade）屬於牛第二嫩嘅部位
而相比起牛柳，牛板腱嘅油花係比較均勻
因此食落去仲會有油嘅甘香，但同時肉味又濃
唯一缺點係佢真係好多筋，好難修呀
為咗將廢肉比率降低，
我除咗將牛切成flat iron steak之外（可以上youtube睇下點樣將牛板腱改成flat iron steak），
我將末端有幼筋嘅部份切薄片去炒，希望提升肉嘅利用率
3.275kg嘅牛，唔計血水、吸血紙、膠袋，有3.1kg
筋膜共重647g（並沒有修掉部份幼筋）
廢棄率約20.9%
肉類：澳洲和牛M8-9牛板腱
無水煮食組：flat iron牛扒、廢肉炒菜
材料：flat iron steak一塊（2cm）
步驟：
牛扒放室溫20分鐘一定要先放置室溫，否則煎嘅時候會出現外面燶但入面仲係生嘅情況！
準備你嘅鑄鐵坑紋鑊在此分享下點解一定要鑄鐵坑紋鑊（唔可以易潔呀！）
首先煎牛扒要香要好食，重點係梅納反應！
而梅納反應只會係高溫下產生，易潔鑊係唔可以高溫燒，用鑄鐵鑊煎先有果種焦香嘅味道～
其次係，牛喺煎嘅過程多餘嘅油份可以流落坑紋，減少用平底鑊煎會好多油嘅油膩口感，會比較似炭燒果種香
唔落任何油，開大火燒到隻鑊冒少許煙！點解唔落任何油呢？因為本身和牛板腱已經夠哂油份（請睇圖）！煎嘅過程中佢亦會出油，如果落油煎就會好肥膩～
擔心會痴底？完全唔洗驚！真係夠高溫咁去煎佢，係唔會痴底嘅！反而隻鑊未夠熱你就放牛扒，就算你落油都係會痴⋯
煎之前先好落鹽！唔好太早落定啊～2cm嘅話，大火每邊煎45秒，然後再轉中火每邊煎45秒～係mediun rare嘅熟度
記住每邊最好頂盡只煎1分鐘～
上碟放置5分鐘，等佢鎖好肉汁然後分享廢肉炒菜嘅醃法
廢肉切薄片，用少許生粉、生抽、老抽（再少啲）、糖、麻油、胡椒粉（再少啲）去醃
炒完菜之後，唔洗洗個鑊，倒咗啲水就得～開火，等個鑊熱之後落油，出少少煙就大火快炒牛肉，咁就有鑊氣焦香炒完放上菜上面就食得！
炒完放上菜上面就食得！
無水組
《 大蔥牛脷芯三文治 》
參賽佳麗：美國Swift穀飼牛牛脷芯（孖裝）
其他材料：自製方飽 切片（每片中間切開）
調味料：大蔥丶蒜片丶鹽丶味醂丶白松露油丶四川辣油
牛脷處理方法：
1、 牛脷 送到貨後，連包裝袋清潔後，放入雪櫃冷藏約一小時，定形後厚薄易控制。
2、 將牛脷 拆開包裝後，用廚房紙巾抹乾淨，紅色無雪花紋嘅底部位，切除後另有其他煮法。
3、 較白雪花部份 即牛脷腩 厚切 約3-4片，每片底面以45度斜切 成風琴狀，每片再分兩件。
4丶 雪花紋漸小就薄切，至只見紅肉脷尖就可以停手。
做法：
️ 大蔥丶蒜片 用油丶鹽爆香後熄火，再加味醂、白松露油調至適合自己味道。️ 牛脷用烤爐燒至差唔多全熟時，焼熱自製方飽至脆。️ 方飽中間放入已燒好牛脷，加️ 完成。喜歡可以加四川辣油，令三文治更加好味。
肉名：有皮豬腩
有水組-東坡肉
超大條豬腩，一次整3舊先用十份一
簡單易整，脂肪入口即溶
食材
· 有皮豬腩 3舊
· 紹興酒 1標準量杯
・ 醬油 半標準量杯
・ 砂糖 1.5大匙
・ 冰糖 1.5大匙
・ 青蔥 3根
・ 老或中薑 1塊
・ 蒜頭 2-3顆（大）
步驟
1. 先出水，印乾後煎到6面金黃後取出
2. 原鍋爆香蒜頭、蔥段、薑片後取出
3. 同鍋鍋中放入砂糖2-3大匙，中火炒至變焦糖色、起泡
4、 嗆入醬油、冰糖、紹興酒，放回煎好的豬腩，皮朝下，加入適量的水約略蓋過，大火煮滾後轉小火蓋鍋蓋，悶煮約2.5-3小時
5、 燉煮1個半小時後可將豬肉翻正、皮朝上。
6、 快燉好時將煮黑的蔥段、薑片、蒜頭挑出丟棄。
7、 等肉燉軟嫩後，即可上桌
食譜(有水組): 紅酒威士忌燉牛肋條
材料：
牛肋條 700g
洋蔥 1 個
蒜頭 2 粒
乾蔥頭 2 粒
甘筍2條
西芹 1 條
蕃茄 1個
麵粉 適量
清雞湯 約一碗
香葉 2片
冰糖 少許
番茄膏 2湯匙
紅酒 150 ml
威士忌 150ml
做法：
1. 洗凈牛肋條後抹乾，切塊後在表面撲上薄薄一層的麵粉。
2.洋蔥，蒜頭，乾蔥頭切碎，蕃茄，甘筍和西芹切件備用。
3.加熱少許油，中火放入牛肋條將表面煎至略焦黃。
4.用另一個鑄鐵鍋爆香洋蔥，蒜頭和乾蔥頭至香味四溢。再加入蕃茄，紅蘿蔔，西芹和適量鹽爆炒一會後拌入番茄膏，冰糖，雞湯及香葉，再放入牛肋條，紅酒和威士忌。加蓋用慢火炆2小時即成。
草飼法式羊架
食譜：無水組-香草煎法式羊架
材料：
先把羊架切件放入保鮮袋
然後放入切碎新鮮rosemary +Thyme
加少許鹽、黑椒碎、橄欖油1.5湯匙
封口袋口然後搖勻，最少醃半個鐘
（若即日食唔晒可放回雪櫃，煮之前拿出來回温半小時）
肥膏位置放在鑊中大火煎3-4分鐘
然後中火兩邊各煎約3-4分鐘，視乎想要幾熟，下圖8成熟
美國安格斯 西冷扒
無水組-牛扒便當
安格斯Choice Grade的西冷，油花依然令人滿意。
切了一塊厚切牛扒做牛扒便當
剩下的拿去做乾式熟成
一個月後看看效果如何
牛扒
1）牛扒從雪櫃拿出來後於室溫放置30分鐘
2）下鹽巴和黑胡椒
3）平底鍋下用牛脂肪煉出來的牛油，放下牛扒煎至兩邊上色（略帶香脆）。
4）（因為厚切）最後放入焗爐，焗3-5分鐘
5）拿出讓牛扒Rest 5-10分鐘，切開
配菜1: 西式烤雜菜
1）把Zucchini、茄子和番茄洗乾淨後， 切片
2）下適量鹽、蒜粉、洋蔥粉、百里香及橄欖油，把蔬菜拌勻。
3）放入焗爐，180-190C焗20至30分鐘
配菜2: 炒紫洋蔥
1）紫洋蔥切絲，下油、鹽、黑胡椒，炒至軟身帶少許焦糖色。
2）最後下少許喼汁，炒勻就可以了。
配菜三：煎雞髀菇
1）雞髀菇切片，界花，跟住下鹽及黑胡椒
2）下油煎至金黃色就可以。
肉類：黑安格斯牛腩角
組別：有水組（清湯牛腩）
烹調方法：牛腩角先一開二汆水後，洗淨備用，煲內注入適量清水，放入適量香料（八角，香葉，陳皮，甘草，桂皮），放牛腩煲至大滾，放少許冰糖，滾約十分鐘轉中火至中細火，煲大約九十分鐘，撈出牛腩，上湯轉大火放白蘿蔔，滾十分鐘轉中火煲二十分鐘，轉大火加魚露調味，最後回牛腩煲中滾多十分鐘完成，蘿蔔放底切好牛腩放面，灑上芹菜花蔥花便可
肉名：美國1855黑安格斯-牛頸脊
食譜：韓式牛肉豆腐鍋（有水組）
材料：
牛頸脊 （約0.5kg)
白蘿蔔 (一個中size)
薯仔（一個）
青陽辣椒（一條）
豆腐（一件）
菠菜苗 （半斤）
炒香芝麻
蒜蓉 （1/3碗）
調味：
生抽 （一小杯，試味後不夠可以再自行加）
韓式辣醬 （2 湯匙）
辣椒粉 （幼身個種）
步驟在相片描述
肉類：日本-群馬縣-上州和牛(A4等級)(冰鮮)
A4-和牛”肉眼扒-原廠分割裝
組別：無水組
烹調方法：
一牛兩食。
1.肉眼蓋用碳鋼鑊煎香, 喺鑊度切成片， 鐵板燒咁兩面上色即可上碟.
2. 切四分三吋厚，用鹽同黑椒做底味， 上麵粉 蛋漿 再上麵包糠， 放落 油鑊炸， 油溫190度，炸每面30秒， 我切厚咗所以炸每面45秒， rest五分鐘之後可以切開, 最好用筲箕裝起以免吉列皮變淋, 伴洋蔥醋同雪凍過嘅椰菜絲。
無水組
第一次幫襯肥仔達冰鮮肉，揀舊平價位澳洲150日picanha試試先，送貨服務極好，會早一日通知，然後半個鐘前再通知，好有禮貌。
pincanha絕對係好野，平但肉味絕對稱霸，雖然第一次買呢間肉廠，但感覺唔錯，冇乜位要改，而且夠肉真係新鮮，400有找，絕對抵買，雖然唔算肥，但要改既位少過買prime。
簡單講下煮法，即日拆袋放雪櫃吹左一晚，第二日簡單黑椒同鹽，𠝹油脂再大火爆2-3mins，100度入爐80mins，rest 25mins，再220入爐8mins，rest 15mins。
完美爆肉汁，肉味極濃，四個人ko
鍾意肉味重，芥蘭同鹽調味就ok
下次買件貴d再試試
肉名：封門柳
食譜：香草牛油煎封門柳
1. 先室溫解凍半個鐘或以上
2. 用抹布吸乾血水，用少許鹽同黑胡椒調味
3. 燒熱鑄鐵煎pan, 落少許油加熱至夠熱出煙，每邊煎兩分半鐘
4. 熄火落牛油同rosemary淋上
5. Rest 10分鐘，切件上碟
無水煮食組–燒牛肉古巴三明治 (Cuban sandwich)
用既係prime”封門柳(SWIFT)
其他材料: 香草(百里香)，牛油，黃芥末，片裝芝士，酸醃青瓜，長型麵包，黑椒，鹽，橄欖油(或其他煮食油)
1. 燒熱平底鍋落油煎牛肉，大火煎封好一面反轉加上鹽、黑椒同香草。
煎封曬收細火扲蓋，慢慢煎至想要熟度。
煎好後放上熟食砧板等件肉休息至少10分鐘。
2. 等牛肉休息同時，準備麵包。
先將長型麵包平面切開，好似漢堡包咁。
用平底鑊烘一烘麵包切開一面，烘好後放係錫紙上。
兩塊麵包上塗上少少牛油，一塊再塗上一層黃芥末(我用法式芥末)。
3. 將牛肉切成約1cm左右厚片，平均鋪滿塗上芥末麵包嗰一面。之後鋪一層酸醃青瓜片同片裝芝士，再蓋上另一面麵包，變成三文治模樣。
4. 用錫紙將三文治包起，放上平底鑊。
再用另一平底鑊壓係三文治上，用少少力將三文治壓扁，上面放少少重野壓住。慢火烘三文治兩面，各烘3-4分鐘左右。
5. 小心熱打開錫紙。慢用
香煎原條牛柳
美國黑安格斯牛柳
先將牛柳分開兩件，用棉綫綁好；
用適量鹽將表面塗勻，之後再用牛油加切碎嘅蒜蓉，thymes 和parsley均勻地塗滿整條牛柳，再將原條Rosemary 加在上面，放最少兩小時。
加油燒熱平底鑊，將牛柳放入鑊中，每邊煎大約5分鐘，將四邊煎至金黃色。
將牛柳放在碟上等10分鐘後可以切開享用
參賽肉類：加拿大飛機豬肉Savoury Choice豬柳
參賽組別：無水組別
作品名稱：威靈頓豬柳
街外食到買到一般都係牛柳，今次用咗豬柳，啱晒唔食牛嘅朋友 雖然我成品個樣做得麻麻地、步驟又繁複，但係其實唔難做，另外所有材料加埋都係$300幾就做到夠6個人食，好抵吖
雖然我成品個樣做得麻麻地、步驟又繁複，但係其實唔難做，另外所有材料加埋都係$300幾就做到夠6個人食，好抵吖材料：
豬柳
蘑菇
parma ham
酥皮
雞蛋
法式芥末醬
乾蔥
橄欖油
牛油
醃料：
鹽、胡椒、百里香或者其他香草
1. 首先將豬柳洗乾淨，去掉筋膜。
2. 用鹽、胡椒、百里香或者其他香草醃一陣。
3. 蘑菇（我用大啡菇）打爛，然後用牛油同橄欖油爆香乾蔥，炒到蘑菇變乾身備用。
4. 豬柳用大火煎香外層備用，每邊大概1-2分鐘，放涼備用。
5. 準備酥皮，酥皮上鋪parma ham，搽法式芥末醬，再喺上面鋪蘑菇碎，最上面放豬柳，好似捲壽司咁捲起，酥皮邊用蛋漿黏合封邊、用刀輕力界花（小心個皮好容易穿），放冰箱大概10分鐘定型。
6. 預熱焗爐220度，威靈頓用蛋漿掃面，入焗爐20-30分鐘；焗到20分鐘時用食物探熱針測溫度，如果夠60度就可以，未夠就要慢慢加時間。
7. 最後出爐後攤至少3分鐘先切開，完成！
番茄炆牛尾
肉名：澳洲和牛雪降牛尾
組別：有水組
村料：
牛尾1條 (沿骨節位切開一舊舊)
蕃茄4個 (切開六件，去籽)
洋蔥1個 (切絲)
蒜頭6-7瓣 (拍扁)
薑蓉1湯匙
甘筍3條 (滾刀切塊)
調味料：
萬字醬油4湯匙
茄汁3湯匙
紹興酒4湯匙
鹽半茶匙
冰糖1粒
做法：
1. 將牛尾煎至金黃色。
2. 加入洋蔥、蒜、薑，炒至軟身和香味溢出。
3. 加入水至蓋過牛尾。
4. 加入番茄、調味料。
5. 滾起後轉細火炆45分鐘，熄火焗1小時，再開細火炆45分鐘，加入甘筍，炆至牛尾和甘筍淋身即可。
呢餐我哋配薯蓉同牛油法包一齊食，除咗薯蓉同法包，個汁配白飯、意粉都一樣咁好味㗎
無水組
$556(2.060KG)美國安格斯-牛頸脊(NB)
$348(1.200KG)澳洲-草飼羊架(Thomas)
$691(3.635KG)美國黑安格斯-内裙柳(US212)
羊架味道最出色，平時羊架下面有條骨，要機切，呢個就吾洗。鐘意有少少羊騷味嘅就好適合你。
做法：先用香草同鹽加橄欖油醃製，用大火將表面煎香，放入焗爐上下火加風180度至200度焗20至30分鐘。非常香，而家吾會「鞋口」加埋薄荷醬，簡直冇得頂，清新，解開肉嘅油膩感。
牛頸脊肉味很香很濃
牛嘅鮮味好好，吾需要太多嘅調味，簡單海鹽就已經好足夠，
做法：中大火每邊煎1至2分鐘，表面香香脆脆，內面嫩滑。
肉裙柳，是買比媽媽食，她喜歡將肉分成一份份儲存，平時可以攞出黎食。切成肉片爆炒係佢最愛。
整體來講我好喜歡，而且疫情下，我吾係好想去人多嘅地方，老公好細心咁訂肉返黎，多謝 肥仔達一件就送貨，留在家中都有肉送媽媽到，送到屋企樓下。
肉名：澳洲-草飼羊架(Thomas)
食譜：無水組-法式香煎羊架配椰香黃薑飯
星期二落order， 星期四極速送到
望住舊咁肥美嘅羊架，我都忍唔住要即晚處理佢喇
材料（2人份）：
1）羊架4支骨
2）米1嘜
3）椰槳2湯匙
4）雞湯/水適量
5）黃薑粉2茶匙
6）咖喱粉1茶匙
7）蒜蓉適量
8）洋蔥適量
9）露筍適量
法式香煎羊架做法：
1）先用少少海鹽少少黑椒少少rosemary 醃15-20分鐘
2）落油開大火將隻pan燒至冒煙
3）落羊架每邊煎分半鐘
4）熄火盛起用鍚紙包好rest 5分鐘
註：全程必須保持大火，咁樣先可以令羊架表面形成焦糖化而達致外脆內嫩嘅效果。
椰香黃薑飯做法：
1）先將蒜蓉及洋蔥切粒炒香
2）落米炒約1分鐘
3）加係黃薑粉及咖喱粉兜勻
4）落椰槳及雞湯/水至浸過米約1cm
5）關細火上蓋煮至聽到「lala」聲再煮多2分鐘
6）熄火焗10分鐘
註：由於黃薑粉好易煮燶，全程必須保持細火
露筍洗淨切段，用煎羊架嘅pan炒熟。
由於我心血來潮想即晚食嘅關係，我無準備到露筍，隨手係雪櫃攞咗2條芥蘭代替
但相信我，用露筍無論係賣相或者係配合度都會更勝一籌
最後，將羊架/黃薑飯/露筍組裝上碟即成
決定買原排羊架返嚟時老公都有提醒過我考慮自己識唔識處理，但係我想講嘅係，其實真係唔係想像中咁難；羊架本身已經處理得好乾淨，我地買返嚟只需要輕輕片走表面嘅肥膏，再沿住骨與骨中間落刀就可以完美地切開一支又一支骨，唔需要咩特別嘅工具，一把普通嘅菜刀已經輕而易舉
係搵食咁艱難嘅時候，好彩仲有肥仔達咋！
燒牛肉滑蛋芝士黑麥包
肉名：黑安格斯CAB最頂級Prime牛小排
組別：無水組
材料：
亞麻籽黑麥包4片
牛小排2塊
雞蛋3隻
芝士2片
牛油約1湯匙
洋蔥適量
沙律菜適量
岩鹽適量
做法：
1. 麵包搽上牛油，烘至香脆。
2. 將沙律菜舖在麵包上。
3. 大火，按自己喜歡的生熟程度，煎香牛小排。
4. 將牛小排放在碟上，灑上岩鹽，用錫紙或用另一隻碟蓋好，靜待5分鐘。
5. 炒滑蛋，舖在沙律菜上。
6. 用1湯匙牛油將芝士煮溶。
7. 將牛小排切片，舖上滑蛋上，再舖上洋蔥，淋上芝士醬，完成。
做法完全冇難度，精粹在於一塊靚嘅牛肉，同埋邪惡嘅芝士醬，其他材料可以自由配搭，記得趁熱食呀
無水組：加拿大保濕豬鞍
點解呢隻豬次次都秒殺呢？
因為平靚正囉，當港豬去到一百蚊斤，圖中9支骨先賣5舊，最重要係安全令煮法有好大空間。本地豬一定要全熟，因為大陸由養殖宰殺到運輸都極多細菌，但外國豬既食安水平完全唔同層次，只係睇你敢唔敢7成5成熟啦。
——————————————
香煎豬鞍配法式芥末醬
肥d既豬鞍我簡單鹽胡椒俾味直接香煎，煎完不斷淋牛油去到7成熟左右，配菜都係牛油煎香待用，唔好洗鑊，兩大匙法式原粒芥末子，兩大匙豬汁（冇就雞湯），細火慢慢推，再落一大匙牛油，最後熄火加一匙楓糖，擺碟。
——————————
法式豬鞍芯
冇咁肥既位我用慢煮，55度120mins（保守d可以60度），抺乾再煎香兩面，rest完再切個中心位置備用。
芒果切粒，剩低芒肉加少許青檸汁沙律醬打成汁。蒜油煎香配菜，上碟時豬鞍芯淋上豬汁再掃上蒜油，擺盤。
ps：豬鞍其他位置都可以食用，但法式擺盤黎講一定係越細件擺得越靚，重點越出
流心芝士吉列豬扒咖哩飯
肉名：加拿大 Savoury Choice 豬梅肉
組別：無水組
材料：
梅頭豬扒2塊 (切雙飛)
芝士2片
雞蛋2隻
洋蔥、甘筍、薯仔適量(切粒)
日式咖哩磚適量
豬扒醃料：
鹽、糖、胡椒粉各適量
炸粉：
麵粉適量
全雞蛋液1隻
麵包糠適量
做法：
1. 豬扒切雙飛(第一刀不切斷，第二刀才切斷)，用刀背揼鬆。
2. 鹽、糖、胡椒粉，灑在豬扒兩面，抺勻。
3. 將一塊芝士攝入豬扒中間，輕壓四邊，用保鮮紙包好，放入雪櫃雪15-20分鐘。
4. 炒香洋蔥、甘筍、薯仔，加入日式咖哩磚，按包裝指示加入水，煮至薯仔甘筍軟淋，熄火，備用。
5. 準備三個碟，分別將麵粉、蛋液、麵包糠放在碟上。
6. 從雪櫃取出豬扒，豬扒兩面先沾上麵粉，然後兩面沾滿蛋液，最後兩面沾上麵包糠，用手輕輕按實麵包糠。
7. 燒熱油，用木筷子試油溫，將豬扒炸至熟透，夾起，放在涼架上。
8. 預備好熱飯，淋上咖哩汁，豬扒切件放在咖哩汁上。
9. 炒滑蛋，舖在熱飯上，灑上蔥花，完成。
梅頭豬扒淋得嚟又有少少筋同油脂，用半煎炸方法唔洗用太多油，自己喺屋企整都可以食到酥脆可口嘅美食
肉名: PRIME牛板腱
食譜: 無水組 – 法式香煎牛板腱扒
買回來的時候，先trim走筋膜和脂肪，然後再按自己需要改成多塊牛肉，再用抽真空機把牛肉封存，放在冰箱。
今晚先切兩塊中間最厚肉的位置，用香煎方法，把肉味原汁原味呈現。
落鑊前，先放少量鹽和黑椒在牛扒上，這個厚度大概每面用大火煎2分鐘，然後用錫紙蓋上rest 5分鐘左右。
Rest好後，再把牛扒落鑊，加入牛油，蒜頭和迷迭香再煎4分鐘左右，沿途要不斷把牛油汁淋在牛扒面上，最後就可以上碟了。
牛板腱唔錯，肉味很濃又有油脂香
(這個大概是medium吧）
Beef Wellington 威靈頓牛排 迷你版
肉名： 美國黑安格斯-上肩柳肉(NB)
經別： 無水組
材料：
上肩柳肉兩件-切頭同尾，淨係要中間部分，大約500g
芥末醬 Dijon Mustard
意式巴馬火腿 Parma Ham 數片
磨菇蓉-
白磨菇 大約300g 切碎
乾葱頭 2粒 切碎
蒜頭 3粒 切碎
威士忌 2茶匙
橄欖油 2茶匙
鹽小許
薄餅-
中筋麵粉 50g
蛋 1隻
牛奶 140ml
鹽小許
蛋液-
蛋黃1隻
水半茶匙
酥皮-
Paratha 印度煎餅3塊
做法：
1. 放牛肉至室温，用廚房紙吸乾水備用
2. 落油炒香蒜茸乾葱，加磨菇同威士忌再炒至完全乾身，放涼備用.
3. 用鹽同胡椒醃牛柳各面，落油煎牛柳各面，每面大約1.5分鐘至2分鐘
4. 趁牛仲熱，掃上芥末醬Dijon mustard, 放涼備用.
5. 中筋麵粉雞蛋牛奶同鹽開粉漿，易潔鑊掃上少少油，落粉漿煎成班戟.
6. 與班戟上放一層意式巴馬火腿，再放蘑菇蓉，將牛柳放上蘑菇蓉上面卷起，再用保鮮紙捲實，兩邊扎好，放入雪櫃半小時以上.
7. 用水同蛋黃開成蛋液
8. 預熱焗爐200度C
9. 準備酥皮，我用嘅係印度式薄餅，由於一塊唔夠大所以我用咗一塊半，任何其他酥皮都可以用，喺酥皮上塗上蛋液
10. 將牛柳於雪櫃拿出來用酥皮捲起，底部及兩邊收口，再喺酥皮表面塗上蛋液，灑上鹽片 salt flakes
11. 放入已預熱嘅焗爐，200度C
*大約20-25分鐘（4成熟medium rare)
*大約 30分鐘( 5成熟 medium)
12. 出爐後10分鐘才切 (建議10分鐘後馬上切開否則牛肉會在酥皮內繼續煮會變咗7成至全熟)
肉類：黑安格斯牛小排
組別：無水組
厚切可當扒 放鑊煎烤 加少少鹽黑椒調味即可，好味到 
另外仲要一啲用黎厚切2mm 可以 韓燒 或打邊爐
仲有牛肉粒 同 牛柳
牛小排 真無太多食法啦！ 
牛肉名: 美國黑安格斯牛腩角
餸菜名: 紅酒炆牛腩
材料:
牛腩，紅蘿蔔，薯仔，蕃茄(新鮮/罐頭蕃茄)，洋蔥，紅酒，蒜，香葉，冰糖，黑胡椒，蠔油和鹽。
步驟:
1，牛腩飛水，洗好備用。
2， 切好紅蘿蔔，薯仔，洋蔥(切粒+大塊)
3，先炒洋蔥粒(半個)，蒜，煎薯仔，取出薯仔。
4，放牛腩，蕃茄，洋蔥，紅酒，蒜，香葉，冰糖，黑胡椒，水。
5，滾後，中火蓋上30分鐘，熄火焗15分鐘。
6，開火，放紅蘿蔔，中火蓋上30分鐘，熄火焗15分鐘。
7，開火，放薯仔和洋蔥(大塊)，中火蓋上30分鐘，熄火焗15分鐘。
8，試味，放蠔油和鹽。
*煎薯仔，因令它熟後唔會散晒。
*最後，可以試吓牛腩是否淋，如未淋，再開火炆。
*紅酒: 普通平價紅酒就可以。
肉類：美國
黑安格斯-西冷扒(ibp)
黑安格斯-西冷扒(ibp)三十日<臭臭>燒牛肉三文治

30 Days dry aged NY Strip burger 
6.2KG西冷用UMAI熟成袋入雪櫃30日
去皮後3.8KG有8件1.5吋厚切
40%耗損
煎香再用100度慢焗至52度rest 30分鐘切薄片
2片american cheese焗溶
洋蔥加醋煮冧
湯種麵包(8個)
湯種: 高筋粉20g 水27g 奶60g
Dough: 奶120g 快速酵母9g 高筋粉320g 鹽7g 糖35g 牛油40g 全蛋1隻加1個蛋黃
肉名：黑安格斯-牛頸脊
食譜：無水組-胡椒餅
改完牛肉嘅筋膜同頭頭尾尾都可以變極品
【麵糰材料】
中筋麵粉 300克、細砂糖 21克、速溶酵母粉 4克、水165克、豬油 15克
【油酥材料】
低筋麵粉 110克、豬油55克
【內餡材料】
牛肉碎450克、米酒5克、鹽3克、醬油 38克、糖6克、五香粉2克、粗粒黑胡椒粉8克、白胡椒粉2克、全蛋 28克、麻油適量
【其他材料】
蔥花 150克、糖水 適量、白芝麻 30克
做法：
1)把麵團材料攪拌成團，滾圓，放著醒一下。
2)把油酥材料攪拌均勻。
3)把發麵擀成大長方片，油酥平均抹在上面，緊緊捲起來成一長條，接口處捏緊。
4)肉加調味料用力攪拌，拌好冷藏，等要開始包時再拿出來。
5)把麵捲拉長，分做10份，再把每一段的兩頭往中間折，這樣就不會漏酥。
6)把小麵團一一捏成圓片狀，外薄內厚，包入一份肉餡及蔥。
7）將麵團收口。
8)沾糖水，再沾上芝麻。
9)烤箱預熱至200℃，放中層烤約20分鐘；按按看，如果表皮不夠硬脆，可以烤久一點。
*留言有影片教學
肉名：美國National Beef Prime”頂級”牛小排
食譜：無水組
滾一滾， 韓燒， 漢堡包， 點煮都超級好味～
漢堡包做法：
1.將牛肉放進電動搞肉機中打碎成免治牛肉
2.將洋蔥洗淨切粒，燒熱油鑊，放下洋蔥，炒至透明盛起
3. 將碎肉放入碗中，加入麵包糠、雞蛋及洋蔥，再加入鹽及黑椒，用手攪拌至黏狀
4.將肉分成四份，放於手中，在兩邊手掌互拋，助除去肉塊中的空氣，令漢堡扒黏實，再放入冰箱中，冷凍1小時，隨後便可拿出來煎
5. 麵包放入白鑊烘一陣或用焗爐， 加入自選喜歡的材料， 蕃茄、洋蔥粒、 芝士、 茄醬 完成。
美國黑安格斯-牛展
紅燒牛肉麵(走辣版)
有水組
1. 牛展用薑蔥酒出水15分鐘，牛展取出放涼後一開6-8件(記住唔好切得太細舊)，薑蔥不要，湯水留用
2. 洋蔥切大件，蒜頭拍扁，下鑊炒香。加蕃茄，生抽，老抽，糖煮滾(如食辣可加豆瓣醬)
3. 加入第1步的湯水，甘荀，白蘿蔔，滷水包加蓋大火煮滾後轉細火炆1小時，之後熄火焗最少5小時，我就焗一晚
4. 第二朝煮滾，加麵食得
肉類： 任何肥仔達賣嘅牛肉切出嚟嘅下欄牛筋
組別：有水組
香炆下欄牛筋
1. 每次同肥仔達買完牛，將修肉時切下之牛筋去油 (唔太薄咗都已經可以留，三筋肉最厚嚿筋千祈唔好嘥)， 不用水洗，放入密實袋
2. 儲到咁上下份量，將牛筋溶雪清洗，索乾水份
3. 加少許油落港女煲爆香蒜頭，加牛筋輕輕煎吓
4. 加柱侯醬、磨豉醬、酒、麻油、冰糖、香葉、五香粉、水落港女煲蓋過牛筋，中大火煮滾後轉中小火炆45min -1 hr，熄火唔好開蓋焗至室溫
5. 放入雪櫃過夜，去咗面嗰層厚牛油，番熱食用。撈米粉、送飯麵一流
肉類： RedTopFarms和牛-5星Zabuton
組別：無水組
想煎出好味的牛扒？
130度焗12-25分鐘（視乎大小同厚度），再大火每面各煎約45秒（煎出梅納反應焦脆面），落鹽同黑椒調味，煎完封錫紙rest 5-10分鐘（錫紙中間記得開個窿）
肉類：美國黑安格斯-外裙柳US212
組別：有水組
清湯牛腩河
「牛肉味濃，入口即溶」
呢個牛味好重，好香。
不過脂肪含量好高，切左好多走，心都痛埋。
肉中間有少少油脂所以一咬就化開！🫠
材料：美國黑安格斯-外裙柳，白蘿蔔，滷水料，雞粉/牛味精，冰糖，鹽，姜
做法：
先煲一大煲水，加幾片姜，將切好的 美國黑安格斯-外裙柳放入滾水，再煮沸，出水用清水洗一洗外裙柳雜質重新煲一煲水，放入滷水料，雞粉，冰糖將外裙柳放入湯，然後煮滾加入切好嘅白蘿蔔，吾好切太細，一陣溶左吾好問我點解！試下湯嘅味道，覺得夠味後落多一匙雞粉同少少鹽，感覺就係少少咸，煲完就會好入味合上蓋，煮到滾，煲邊噴煙之後放入真空煲最少4小時
清湯牛腩完成
清湯牛腩完成
想清d,吾油膩，記得過水過清d，同飛走面個d油呀！朝早整，放工返黎就有得食！
清爽吾油膩！
好滿足嘅一餐！

組別：無水組 （美國黑安格斯嫰肩肉）
菜式名：「慢煮燒牛肉」
材料：
嫰肩肉 海鹽 黑椒碎 Rosemary 蒜頭
煮法：
1. 每邊都灑上海鹽黑椒，搽勻
2. 中大火，將每邊煎1分半鐘
3. 放入慢煮袋， 加2粒蒜頭 2條 Rosemary， 55度慢煮 3.5小時 ( 約 medium 程度)
4. 取出嫰肩肉， 汁留起備用
5. 烤架上放牛肉， 塗上蛋白， 加上切碎的新鮮 rosemary , 250度 烤10分鐘
6. 取出後蓋上錫紙 rest 15 分鐘
7. 切片享用
肉名：加拿大豬梅肉
食譜：無水組-爆汁小籠包
咁大嚿肉用咗1/5就做到三十幾隻小籠包🫢
餡：
加拿大豬梅肉300 g
湯凍 300 g
薑&䓤隨個人喜歡落
醬油 1/2 湯匙
鹽 1.5 茶匙
糖1茶匙
白胡椒粉 少許
皮：
中筋麵粉 250 g
冷水 100-105 g
做法：
搓皮後，將所有餡料撈埋一齊，之後包餡，水滾蒸7分鐘
肉名：Prime”頂級-牛小排(US212)
食譜：有水組
收到貨第一日即打邊爐
勁霖
勁霖食譜：冇水組
第二日就牛飯
好簡單煎一煎
整粒溫泉蛋同紫菜上面
再落啲牛汁已經好好味
已經好好味好味既野愈簡單愈好味
第一次買「羊頸柳」, 打開有驚喜, 一包有四大碌, 啖啖肉, 好岩鐘意食羊, 又唔鐘意有骨既朋友, 腦當刻已即時浮現出不同菜式, 炒羊肉絲, 羊肉生菜包, 羊肉串燒， 煎羊扒etc….正 當然唔少得我最like 既法式焗啦!
當然唔少得我最like 既法式焗啦!菜名：法式焗羊頸柳
組別：無水組
肉名：澳洲Thomas Farms 羊頸柳

材料:
羊頸柳一件
迷迭香Rosemary 兩支
什香草2茶匙
法式芥末醬1.5 湯匙(無, 可改用燒臘店中式芥末醬 我試過一樣)
我試過一樣)法式原粒芥末子醬0.5湯匙(增加口感/可以不加)
日式麵包糠30克
有/無鹽牛油30克
岩鹽適量
黑胡椒適量
配菜:
新鮮本地有機啡蘑菇, 十字一開四(有口慼), 加適量鹽,黑椒, 自家製蒜蓉牛油, 用錫紙包實, AF 200C 10 分鐘, 快靚正, 打開就食得, 碟都洗少隻
步驟
1. 焗爐預熱230 °C
2. 羊頸柳用廚紙索乾血水, 底面灑上岩鹽及黑椒, 230 °C 焗25分鐘
3. 黑胡椒，什香草，新鮮迷迭香（整碎）及麵包糠預先撈勻備用
4. 隔水座溶牛油
5. 25分鐘後於焗爐取出羊頸柳，同時焗爐需繼續保持住230 度， 將芥末醬塗勻羊頸柳表面，再慢慢敷上香草麵包糠，均勻地淋上牛油，回爐焗至表面金黃， 就完成喇！
6. 上碟，刀叉侍候！ Enjoy
肉名：加拿大豬梅肉
食譜：無水組-爆汁小籠包
咁大嚿肉用咗1/5就做到三十幾隻小籠包
餡：
加拿大豬梅肉300 g
湯凍 300 g
薑&䓤隨個人喜歡落
醬油 1/2 湯匙
鹽 1.5 茶匙
糖1茶匙
白胡椒粉 少許
皮：
中筋麵粉 250 g
冷水 100-105 g
做法：
搓皮後，將所有餡料撈埋一齊，之後包餡，水滾蒸7分鐘
肉名：美國黑安格斯-牛頸脊(US212)
食譜：無水組
豉油西餐，媽媽的味道。
1）先用豉油、糖、豆粉和油醃半個至一個鐘。
2）燒紅鑊，大火煎香兩邊，最後加入燒汁兜勻即成。
油香撲鼻，肉嫩有汁。
肉名：牛腩角
食譜：有水組 – 番茄牛肉麵
配料：
牛腩角 (今次加埋牛肋條)
蒜頭
番茄
生抽
磨豉
八角
五香粉
冰糖
水 (剛蓋過料面)
芫茜，蔥 切碎放麵面
步驟：
1：蔥、芫茜頭、蒜頭爆香，加一半番茄
2：加牛尾，再加另一半番茄
3：加水煮滾
4：加其餘材料，小火煮1小時焗45分鐘
5 : 再煮滾後小火煮半小時，焗半小時
6 : 連湯Portion pack，1碗份量1pack, 放冰隔，食時番熱
肉名：加拿大豬仔骨
醃料：叉燒醬，味琳，豉油
醃一晚，180度，每面Airfry 8分鐘，剛剛好
非常厚肉，肉嫩juicy
韓式炆牛肋條
肉名：美國黑安格斯-牛肋條(US212)
組別：有水組
材料：牛肋條切粒/ 紫洋蔥/ 薯仔/ 甘筍/水梨打蓉/ 韓國麺豉醬（綠色盒）一大匙/ 薑/ 蒜頭四粒
最後調味：味淋，料酒，韓國湯醬油各一匙 ，粟米糖漿，韓國辣椒粉
牛先洗淨印乾，加水梨蓉&黑椒醃下，牛脂肪用得唔好嘥可以先炸成油留起，放少少油炸薯仔備用， 再放油爆薑蒜炒牛肋肉（要留起梨水）再加少少老抽上色，炒乾身再加紫洋蔥&甘筍， 再加麵豉醬炒，最後加所有調味料&薯仔，加埋餘下醃梨水 ，加水至材料平面 用鑄鐵鍋 先中火滾起再轉小，煲約3-40分鐘 熄火再焗 牛肋條夠淋就食得， 再配埋個韓式伴飯，就可以開餐啦
212牛勁脊： 用最原始嘅做法: 粗鹽.黑椒.香草.牛油.蒜頭索油又加啲蒜香.封邊再Rest 10分鐘. 正
#肥仔達 #影相搏一搏牛牛免費索
肉名：美國黑安格斯-牛展(NB)
組別：有水組
菜式：台灣牛肉麵
材料：牛展,蘿蔔,甘荀,生菜,洋蔥,蔥,薑,花椒,
八角,黑胡椒,桂皮,月桂葉,生抽,米酒,豆瓣醬,水
做法：
炒香料1分鐘入袋
落油煎封牛展 約3分鐘 夾起
薑 洋蔥 蔥 炒軟
再加回牛展
落酒及調味料拌勻
加蘿蔔及加水
炆煮1個半小時
不如今晚食紅酒燴牛面珠配香滑薯蓉呀～
這道係老公既拿手小菜，食過一次返尋味～分享俾大家happy share~肥仔達賣既牛面珠肉質軟腍又膠質重，滿滿既牛肉香味，配埋個絕配香濃紅酒汁同入口即溶既薯蓉簡直係無得彈！
組別：有水組
肉名：澳洲牛面珠
材料：
靚靚牛面珠
紅蘿蔔2條
洋蔥1個
月桂葉6-7塊
紅酒（半枝）
蒜頭（3瓣切碎）
牛湯粒（一個）
百里香（適量）
鹽（適量）
做法：
將一袋兩舊既牛面珠 1開4 印乾
先切好紅蘿蔔，洋蔥
大火煎封牛面珠, 煎既時間加入黑椒
牛面珠拎開備用
落洋蔥，蒜粒，紅蘿蔔爆香
有香味後將牛面珠加入
並加紅酒半枝，大火待酒精揮發
落適量百里香調味
加牛湯粒，熱水（蓋過食材），月桂葉
先大火煮20分鐘
收細火20分鐘
熄火焗30分鐘
再細火30分鐘
再焗多一小時
落適量鹽調味
食前大火煮10分鐘
準備埋個薯蓉上碟搞掂
肉名：美國黑安格斯-牛頸脊(BC)
組別：無水組-香煎牛頸脊
食譜：
1. 牛頸脊每邊都灑上適量海鹽黑椒，搽勻
2. 中大火，先將牛脂肪煎香，利用油香再將牛頸脊每邊煎50秒至1分鐘，之後用錫紙封住rest 8分鐘
3. 鑊下蒜頭和牛油，放回牛頸脊煎一煎
4. 取出牛頸脊可切件或原塊上碟
5. 原鑊剩有油香可加蔬菜另炒作為上碟配菜
肉名：美國黑安格斯-牛展
組別：有水組
台灣半筋半肉牛肉麵
材料：
牛展 （又叫牛腱 三大條）
牛筋(一條)
牛脂肪 （適量）
日本蘿蔔 (半條)
紅蘿蔔 (一條)
蕃茄 (一隻)
生抽老抽 (各兩湯匙)
豆瓣醬 （兩湯匙）
紹興酒 (40cc)
冰糖 （兩粒）
滷包-桂葉 八角 茴香 桂皮 花椒(適量)
薑
蔥段，蔥白
洋蔥 乾蔥
做法：
1. 原件牛腱同牛筋用薑片飛水，沖水洗淨，飛水切件 淨低既水去除表面污糟野外留低備用
2. 牛脂肪落鑊逼出牛油 再落薑蔥洋蔥蔥頭爆香至黃色
3.落豆瓣醬同牛炒2分鐘 然後灑酒炒多1分鐘
4. 將炒好既材料放入壓力煲 加上蘿蔔 紅蘿蔔 滷水包 餘下調味料 加水蓋過牛腱
5. 用最高壓力煮30分鐘 減壓開蓋後 攪勻材料再大火滾10-15分鐘
6. 煮麵 落湯牛腱 炒好既酸菜 燙青菜 曬埋蔥花
食得！
切換內容
肉名: PRIME半切肉眼扒(NB)，美國黑安格斯-牛頸脊(US212)
組別: 無水組 – 炭火燒烤
肉切2寸厚，肥油留來搽網，碳白落，燒至脆，反面後冚蓋，焗到喜歡溫度，放砧板上休息，切片。未有時間調味已經搶曬。
原汁原味，肉味濃帶甜。有時間調味可以用鹽，黑胡椒，也可點英芥。
肉名：美國US212BEEF黑安格斯Choice-牛小排
食譜：無水組～朴葉燒牛丼飯
做法：
1. 將牛去脂後切塊(約0.5cm厚)
2. 放在朴葉上，加入味噌，金菇，三色椒作配菜
3. 加少許油，開爐每邊燒約1.5-2min即可
肉名：美國National Beef-黑安格斯-PRIME原廠半切肉眼扒(冰鮮) $929(2.655KG)
用左唔同方法食左件牛牛, 普通煎既3塊不用寫食譜了
A食譜：泰式牛肉沙律
做法：
1. 為牛排做醃料。
醃料 (混合及盅爛)大蒜， 乾PARSELY，黑胡椒粉，金不換碎 ，少少食用油，糖
用保鮮袋將醃料均勻塗抹在牛排的兩面。將牛排充分混合到醃料中。讓肉在溫度下靜置 15 分鐘。魚露中的酸會起到嫩肉劑的作用，使其更加柔軟多汁
2. 用油用大火加熱平底鍋。根據自己的喜好煎牛排。
3. 準備沙律 做醬汁
魚露 15g, 檸檬汁 13.5g, 羅望子醬 12g, 椰糖 12g, 粗粒辣椒粉 3g 糯米碎 6g (用作整濃稠醬汁) 紫洋蔥 適量，也可以用紅蔥頭 薄荷葉+金不換碎 適量
將牛排切成條狀. 在盤子上，排列生菜 牛扒, 把調料淋在上面。
4.影相 食得
B食譜：牛肉漢堡扒 (用盡頭頭尾尾)
1.洋蔥切碎, 落鹽醃30分鐘
用水洗走D鹽, 瀝乾
2帶肥肉的牛肉碎,黑胡椒,生抽,雞蛋, 洋蔥攪均,
整成漢堡扒, 中間凹少少, 包保鮮紙, 放入雪櫃雪30分鐘
3. 漢堡扒面上加鹽同黑椒, 用油用大火加熱平底鍋。根據自己的喜好煎漢堡扒
4. 漢堡扒醬油
煎牛扒油倒走少少,加入水 15ml,清酒 7.5ml,味醂 7.5ml,糖 5g,醬油 15ml, 煮至想要既濃度
5.準備其他配菜,影相 食得
C食譜：原件烤肉眼
1.今次件肉要切厚D, 我哩件約480g
早一晚印乾血水, 加鹽, 黑胡椒. 不要包保鮮紙, 放入雪櫃, 雪一晚令肉比較乾身
放入肉後, 盡量不要常開雪櫃
2.將牛扒灘至室溫 (約1.5小時)
3.插入溫度計, 焗爐預熱至100度, 放入中下格,
將中心溫度焗至54度後取出 (約48分鐘)
4.取出後要鋪上鍚紙,在室溫rest一小時以上 (此時件肉應該去到max 58度)
5. 預熱焗爐至230度. 放入牛件焗約11分鐘, 令到表面焦香
6. 一塊完美的牛扒必要具備「肉嫩多汁」和「焦香」兩大目標, 慢焗可以做到,切出係想要既熟度, 影相 食得
肉名：美國黑安格斯牛小排(US212)
食譜：無水組 – 都市忙人頂級牛小排燒汁飯
從來都無諗過，咁大嘅牛可以用「阿媽廚房把刀」就切得開。更加無諗過，由未分割，再灑啲調味煎幾野，煲個飯煮埋汁到上碟，一個鐘都唔洗，仲要食到個個舔舔脷，啱哂我呢啲無工人嘅雙職媽媽。
更重要係……呢舊勁靚油花嘅牛小排，只係Choice級
收到實物，我以為自己訂錯Prime，點解可以靚到咁？唔只睇落靚，食落仲好Juicy，真係物超所值。做法：牛小排切半吋厚，灑鹽、黑椒、香草調味。落牛油，大火兩邊煎香。
燒汁：牛汁、蠔油、豉油雞汁、生抽、黑椒、香草、糖、生粉拌勻小火煮至結身 （其實調味料好隨意，可按屋企存貨、個人口味調配）
肉名 – 加拿大有皮豬腩
食譜 – 無水煮
第一煮做左燒腩仔 超脆皮 超好味
塩麴燒腩仔– 腩肉分8件包好放入冰箱保存
– 取出一份早一前放入4度雪櫃解凍
– 解凍後用水沖洗肉部分 （ 皮不要濕到水）
– 皮先已輕輕濕水廚紙抹乾淨， 再用乾廚紙吸乾所有水份；
– 腩肉先塗上花雕酒再塗上塩麴
– 完成後將腩肉放在碟上 （ 一定要皮向天 ） 放入4度雪櫃雪最少4小時或以上；
– 焗爐200度開風預熱
– 腩肉取出用錫紙包實 （ 除左皮部 ）
– 皮部位置加入海鹽按實封好
– 放入已預熱（中上格）焗爐先焗25分鐘
– 取起皮面鹽份； 再放入焗爐頂位焗至皮脆 ；
– 取出完成
堅抵又好食
腩肉層次分明
肉名：加拿大豬仔骨
食譜：無水組 – 香草檸檬豬仔骨
– 豬仔骨洗一洗，印乾水，去除黐骨嗰層薄膜。
-加鹽、黑胡椒和橄欖油，切碎的新鮮Rosemary, Thymes, parsley ，乾蔥、蒜頭，醃一晚。
– 焗之前2個鐘雪櫃攞返出嚟回覆室溫，同時加溶咗嘅牛油和半個新鮮檸檬汁。
– 焗爐預熱180度（tender meat program），用錫紙包住豬仔骨焗1.5小時；打開錫紙放喺上格轉225度turbo grill 每邊10分鐘。
-攞出焗爐rest 5分鐘，再用火槍燒一燒，完成。
